Дортмунднинг "Боруссия" клуби бош директори Ханс-Йоахим Вацке "Манчестер Юнайтед"дан Жейдон Санчонинг трансфери бўйича музокараларнинг бориши ҳақида гапирди.
Эслатиб ўтамиз, "асаларилар" 2022 йилнинг ёзида "Олд Траффорд"га 80 миллион еврога сотиб юборилган 23 ёшли англиялик вингерни қайтариб олмоқчи.
"Тўғри, биз "Манчестер Юнайтед" билан Санчонинг трансфери бўйича музокаралар олиб бормоқдамиз.
Биз Жейдонни ижарага олмоқчимиз, бу ҳеч кимга сир эмас. Бироқ, биз келишувни ҳали расман эълон қила олмаймиз", - дея Вацкенинг сўзларини келтиради журналист Фабрицио Романо.
Эслатиб ўтамиз, аввалроқ "Манчестер Юнайтед" Санчонинг ижарасига сотиб олиш вариантини киритмоқчи эмаслиги ҳақида хабар берилганди.
