Тимо Вернер "Лейпциг"дан "Тоттенхэм"га ўтади.
Германиянинг Sky нашри хабарига кўра, футболчи Лондонга душанба куни охиригача етиб боради. Вернер сешанба куни тиббий кўрикдан ўтади. Ҳеч қандай муаммо аниқланмаса, битим ёпилади. Бунинг учун ҳужжатлар аллақачон тайёрланган.
Манбага кўра, "Тоттенхэм" Вернерни мавсум охиригача ижарага олади. Ёзда "шпорлар" футболчини 17-18 миллион еврога сотиб олиши мумкин. Тимо Вернер март ойида 28 ёшга тўлади. Жорий мавсумни оладиган бўлсак, ҳужумчи иккита гол урди ва шеригига битта голли узатма берди. Эслатиб ўтамиз, Вернер аввалроқ Англияда "Челси"да ўйнаган.
