Жордан Хендерсон фаолиятини Европада давом эттирмоқчи.
Ўтган ёзда "Ал-Иттифоқ"га ўтган англиялик ярим ҳимоячи Саудия Арабистони чемпионатини тарк этмоқчи экани аввалроқ хабар қилинганди. Хендерсон иқлим ва ўйинларга ташриф буюрувчиларнинг камлигидан норози, шунингдек, Евро-2024да ўйнаш имкониятини оширмоқчи.
TalkSport хабарига кўра, Хендерсон хизматлари "Бавария" ва "Байер"га таклиф қилинган. Унинг номзоди "Ювентус" ва бир қатор Премьер-лига клубларида ҳам муҳокама қилинмоқда.
Қайд этилишича, ҳозирда Хендерсон трансфер бўйича расмий сўров юбормаган. “Ал-Иттифоқ” ярим ҳимоячи билан хайрлашмоқчи эмас, бош мураббий Стивен Жеррард ҳамон жамоани англиялик атрофида қуришга ҳаракат қилмоқда. Хендерсоннинг катта маоши туфайли ижара варианти даргумон, аксарият клублар уни тўлашга қурби етмайди.
