"Манчестер Юнайтед" бош мураббийи Эрик тен Хаг жамоанинг Aнглия кубоги доирасидаги "Уиган"га (2:0) қарши ўйинидаги иштирокига баҳо берди.
"Қизил иблислар" учинчи лигадаги жамоа дарвозасига 33 марта зарба берди ва 14 марта нишонга аниқ йўллади, бироқ фақат иккита гол билан чекланишди.
“Кубокдаги асосий нарса ғалаба, чунки мағлуб бўлган клуб дарҳол четлатилади. Биз вазифани бажардик.
Биз кўпроқ гол уришимиз керакмиди? Ҳа, албатта. Биринчи бўлимда бизда беш-олтита ажойиб имконият бўлди деб ўйлайман.
Нега бунчалик кўп имкониятларни бой берганимизни билмайман. Ёмон ижрони ҳар доим ҳам тушунтириб бўлмайди, лекин биз имкониятлар яратишда яхшимиз”, деди Тен Хаг ўйиндан кейинги ИТВ телеканалига берган интервьюсида.
