"Manchester Yunayted" bosh murabbiyi Erik ten Xag jamoaning Angliya kubogi doirasidagi "Uigan"ga (2:0) qarshi o‘yinidagi ishtirokiga baho berdi.
"Qizil iblislar" uchinchi ligadagi jamoa darvozasiga 33 marta zarba berdi va 14 marta nishonga aniq yo‘lladi, biroq faqat ikkita gol bilan cheklanishdi.
“Kubokdagi asosiy narsa g‘alaba, chunki mag‘lub bo‘lgan klub darhol chetlatiladi. Biz vazifani bajardik.
Biz ko‘proq gol urishimiz kerakmidi? Ha, albatta. Birinchi bo‘limda bizda besh-oltita ajoyib imkoniyat bo‘ldi deb o‘ylayman.
Nega bunchalik ko‘p imkoniyatlarni boy berganimizni bilmayman. Yomon ijroni har doim ham tushuntirib bo‘lmaydi, lekin biz imkoniyatlar yaratishda yaxshimiz”, dedi Ten Xag o‘yindan keyingi ITV telekanaliga bergan intervyusida.
