Ҳужумчилар Карим Бензема ("Ал-Иттиҳод"), Роберто Фирмино ("Ал-Аҳли") ва ярим ҳимоячи Жордан Хендерсон ("Ал-Иттифоқ") Саудия Арабистони клубларидаги фаолиятига якун ясамоқчи. Fichajes.net хабарига кўра, футболчилар иссиқ ва нам ҳаво, ўйинларга ташриф буюрувчиларнинг камлиги ва майдондаги муаммолардан норози.

Барча футболчилар ўтган йили Саудия клубларига ўтган ва 2026 йилгача шартнома имзолаган.
36 ёшли Бензема “Ал-Иттиҳод” сафида 20 та ўйинда майдонга тушиб, 12 та гол урди ва 5 та голли узатмани амалга оширди, 32 ёшли Фирмино “Ал-Аҳли” сафида 19 та ўйин, 3 та гол ва 3 та голли узатмани амалга оширди, 33 ёшли Хендерсон эса “Ал-Иттифоқ” учун 19 учрашувда 1 та гол урди ва 5 та голли узатма берди.