Hujumchilar Karim Benzema ("Al-Ittihod"), Roberto Firmino ("Al-Ahli") va yarim himoyachi Jordan Xenderson ("Al-Ittifoq") Saudiya Arabistoni klublaridagi faoliyatiga yakun yasamoqchi. Fichajes.net xabariga ko‘ra, futbolchilar issiq va nam havo, o‘yinlarga tashrif buyuruvchilarning kamligi va maydondagi muammolardan norozi.
Barcha futbolchilar o‘tgan yili Saudiya klublariga o‘tgan va 2026 yilgacha shartnoma imzolagan.
36 yoshli Benzema “Al-Ittihod” safida 20 ta o‘yinda maydonga tushib, 12 ta gol urdi va 5 ta golli uzatmani amalga oshirdi, 32 yoshli Firmino “Al-Ahli” safida 19 ta o‘yin, 3 ta gol va 3 ta golli uzatmani amalga oshirdi, 33 yoshli Xenderson esa “Al-Ittifoq” uchun 19 uchrashuvda 1 ta gol urdi va 5 ta golli uzatma berdi.
