Туриннинг “Ювентус” ва Лондоннинг “Челси” клубларида ишлаган италиялик машҳур мутахассис Aнтонио Конте ўз ватанида иш топиши мумкин.
У "Наполи" бош мураббийи лавозимини эгаллаши мумкин.
“Мен “Наполи”ни бошқаришим мумкин. Лекин мен ҳаммаси тўғри бажарилишини истайман”, - деди мутахассис.
Италиялик мутахассиснинг сўнгги иш жойи Лондоннинг "Тоттенхэм" клуби бўлди. Aнтонио ўтган йилнинг март ойида инглиз жамоасини тарк этганди.
Ўшандан бери у ишсиз. Италия чемпионатининг 19-тури якунларига кўра, “Наполи” 28 очко жамғариб, турнир жадвалида 9-ўринда бормоқда.
