“Манчестер Юнайтед”нинг собиқ ярим ҳимоячиси Пол Скоулз “қизил иблислар”нинг яна бир собиқ футболчиси Жесси Лингарднинг спорт залда шуғулланаётган сурати остига жаҳлдор изоҳ қолдирди.

“Спорт залидаги бемаънилик туфайли азобланишда давом этасизми ёки футбол ўйнашни бошлайсизми?”, деб ёзди Скоулз ижтимоий тармоқда.

31 ёшли футболчи “Манчестер Юнайтед” тарбияланувчиси ҳисобланади. У 2022 йилнинг ёзига қадар "қизил иблислар" футболчиси эди. Бу даврда у барча турнирларда 232 та учрашувда қатнашиб, 35 та гол ва 21 та голли узатмани амалга оширган.