“Manchester Yunayted”ning sobiq yarim himoyachisi Pol Skoulz “qizil iblislar”ning yana bir sobiq futbolchisi Jessi Lingardning sport zalda shug‘ullanayotgan surati ostiga jahldor izoh qoldirdi.

“Sport zalidagi bema’nilik tufayli azoblanishda davom etasizmi yoki futbol o‘ynashni boshlaysizmi?”, deb yozdi Skoulz ijtimoiy tarmoqda.

31 yoshli futbolchi “Manchester Yunayted” tarbiyalanuvchisi hisoblanadi. U 2022 yilning yoziga qadar "qizil iblislar" futbolchisi edi. Bu davrda u barcha turnirlarda 232 ta uchrashuvda qatnashib, 35 ta gol va 21 ta golli uzatmani amalga oshirgan.