"Реал" ярим ҳимоячиси Федерико Вальверде ўзининг ҳозирги формаси ҳақида фикр билдирди.
"Мен энг яхши формадаманми? Балким. Ўз позициямда ўйнаб, жамоага энг кўп фойда келтиришим мумкин. Ўтган йили қанча гол урган бўлсам, бу йил ҳам шунча гол уришни истардим", - деди Вальверде Madrid Zone билан суҳбатда.
2023/24 йилги мавсумда уругвайлик ярим ҳимоячи барча турнирларни ҳисобга олган ҳолда 26 учрашувда майдонга тушиб, битта гол урган. Бундан ташқари, 25 ёшли Вальверде учта голли узатмага эга.
10 январь куни Мадриднинг “Реал” клуби Испания Суперкубоги ярим финалида “Атлетико”га қарши майдонга тушади.
