"Манчестер Юнайтед" Дортмунднинг "Боруссия" клубига ижара асосида ўтаётган вингер Жейдон Санчога ҳафтасига 100 минг фунт маош тўлайди, деб хабар беради Daily Mail нашри.
Манбага кўра, бундай талабни немис клуби қўйган, чунки англиялик футболчининг тўлиқ маоши ҳафтасига 290 минг фунтни ташкил этади, бу жамоадаги максималдан сезиларли даражада ошади. "Боруссия" маошнинг қолган қисмини ўзи тўлашга тайёр.
Жорий мавсумда англиялик футболчи "Манчестер Юнайтед" бош мураббийи Эрик тен Хаг билан жанжаллашиб қолган ва шу сабабли жамоадан четлатилган эди.
Умуман олганда, Санчо 2023/2024 йилги мавсумда барча турнирларда учта ўйин ўтказган.
