Туриннинг “Ювентус” клуби бош мураббийи Массимилиано Аллегри матбуот анжуманида жамоасидаги кадрлар ҳолати ҳақида гапирди.
Италиялик мутахассис навбатдаги кубокда "Фрозиноне"га қарши ўйинда "кекса синьора"га ёрдам бера олмайдиган футболчилар номини айтиб ўтди.
"Кьеза "Фрозиноне"га қарши ўйнамайди. Камбиассо ўзини яхши ҳис қилмоқда, аммо ўйинда ҳам қатнашмайди. Рабьо, Де Шилио ва Кин тикланишда давом этмоқда. Қолганларини эртанги ўйинда ўйнаш мумкин бўлади", - деди Аллегри.
“Ювентус” А серияда пешқадам “Интер”дан икки очко ортда қолиб, иккинчи ўринда бормоқда.