Англия Премьер-лигасининг бир қанча жамоалари “Вест Хэм” ҳужумчиси Муҳаммад Саид Бенраҳмани ўз жамоасида кўришни истамоқда. Бу ҳақда журналист Санти Уна ижтимоий тармоқда хабар берди.
Манбанинг хабарига кўра, жорий қишки трансфер ойнасида форвардни сотиб олишга "Брентфорд" клуби қизиқмоқда. “Фулхэм” ва “Вулверхэмптон” ҳам 28 ёшли футболчи учун курашишга тайёр.
Қайд этилишича, Англия клублари жазоирлик футболчига қизиқиш билдираётганига қарамай, "Вест Хэм" "Лион" билан ижара бўйича музокараларни давом эттирмоқда.
Бенраҳма 2020 йилдан бери "Вест Хэм"да ўйнаб келмоқда. Жорий мавсумда форвард "болғачилар" сафида барча турнирларда 21 ўйин ўтказиб, иккита голли узатмани амалга оширди. Футболчининг Лондон клуби билан шартномаси 2026 йилнинг июнь ойи охиригача амал қилади. Transfermarkt портали маълумотига кўра, футболчининг тахминий нархи 22 миллион еврони ташкил қилади.
