Шахсий фикримча, ким Одил Ҳамробековни қўлга киритса, ўша жамоа чемпионлик учун энг катта қадамни ташлаган бўлади.

Ўтган йили "Пахтакор"да шу ўйинчи ҳисобига бошқалардан устунлиги бор эди. Ҳозир Одил ўз позициясида энг зўри. Қилаётган иш ҳажми, тўпни олиб қўйиш, ҳимоядан чиқишда ўзини таклиф қилиш ва энг асосийи унинг майдондаги югуриш диапазони жуда катта. Яъни айрим ўйинчилар 10 метр у ерга, 10 метр бу ерга бўлган масофада иш ҳажмни бажарса, Одилники ўз жамоаси жарима майдони ва рақиб жамоаси жарима майдони ўртасида. Замонавий футболда "box to box" дейишади бундай футболчиларни.

Буни бошқа жамоалар мураббийлари ҳам билишяпти. Шунинг учун уни қўлга киритиш учун бир-а тўла "Нефтчи", "Навбаҳор" ва "Насаф" курашяпти.

"Навбаҳор" асосий эътиборни ёшларга қаратамиз, дегани билан ўйинни қуриш ва шу билан бирга натижани йўқотмаслик ва ёш ўйинчилар топ-даражадаги ўйинчилар бўлиб етишиши учун жамоа ўйинини  Одил ва унга ўхшаган маҳорати бор ўйинчилар атрофида қуради.

Шунда ёш ўйинчилар ҳам келажакда топ-ўйинчилар бўлиб етишишади, ёшлар ва класси бор ўйинчилар билан натижа учун ҳам  кураш давом этаверади.

Фақат ёшларни ўзини ўйнатиш оддий  ўртамиёна ёшларни тарбиялашга олиб келади. Буни Бабаян яхши билади. Ўз вақтида "Пахтакор"да юқоридаги усулда ишлаган ва натижада Искандаров ва Машарипов каби ўйинчилар етишиб чиққан.

Шунинг учун ҳам "Навбаҳор", керак бўлса, "Пахтакор"дан-да кўп пул бериб бўлса ҳам Одилни қўлга киритишга ҳаракат қиляпти.

Бошқа жамоалар олаётган ўйинчиларни ҳурмат қилган ҳолда ҳали бирор бир жамоа ўйини билан ҳам, ўзини тутиши билан ҳам лидер бўлиб жамоани тортадиган ўйинчи олмади деб ўйлайман.

Одил "Навбаҳор"га ваъда бергани билан ҳали контрактга қўл қўймагани учун уни "Навбаҳор"га аниқ ўтади, дейишга ҳам шошилмаса бўлади. Футболда  ҳар нарса бўлиши мумкин.

Равшан Салимов.