Англия терма жамоасида ишлаган машҳур футбол мутахассиси Свен-Горан Эрикссон қайғули хабарни маълум қилди. Швециялик мураббийнинг сўзларига кўра, унга саратон касаллиги ташхиси қўйилган.
“Менда жуда оғир касаллик бор. Биз бу саратон эканлигини тахмин қилдик. Лекин кучим бор экан, курашиш ниятим бор. Энг яхши ҳолатда менда бир йил бор, энг ёмони камроқ. Бу касалликни секинлаштириш мумкин, аммо даволаш мумкин эмас. Шунга қарамай, мен муваффақиятсизликка дучор бўлишни хоҳламайман, мен ижобий томонларни қидираман", - дейди 75 ёшли мутахассис.
Эслатиб ўтамиз, Эрикссон 2001 йилдан 2006 йилгача Англия терма жамоаси бош мураббийи лавозимида ишлаган.
