Aнглиянинг "Ливерпуль" клуби лига кубогининг биринчи ярим финалида "Фулхэм"ни мағлуб этди ва ғалаба иродали бўлди, чунки биринчи бўлимдан кейин Юрген Клопп жамоаси мағлуб бўлаётганди.
Учрашув қаҳрамонларидан бирига айланган Кёртис Жонс ўйин натижалари ҳақида фикр билдирди.
"Биринчи бўлим қийин кечган бўлсада, менинг нуқтайи назаримда ёқимли ўйин бўлди. Биз устунлик қилдик, аммо гол ура олмадик.
Иккинчи бўлим портлади ва биз иккита яхши гол урдик. Умуман олганда, мен ўйинни яхши деб атаган бўлардим.
Aммо олдинда ҳали иккинчи ўйин бор, ҳали ҳеч нарса ҳал қилинмаган", - дея Жонснинг сўзларини келтиради ББC Спорт.
Энди жамоаларни жавоб ўйини кутиб турибди.
