Дортмунднинг «Боруссия» клуби собиқ ҳужумчиси, ҳозирда «Манчестер Сити»да тўп тепаётган Эрлинг Холанд Жейдон Санчонинг «Боруссия» лагерига ўтишига муносабат билдирди.
Олдинроқ немис гранди 23 ёшли футболчининг сафга қайтишини расман эълон қилганди. Қайд этилишича, Санчо мавсумнинг қолган қисмини ижара асосида “Боруссия”да ўтказади.
Холанд ижтимоий тармоқдаги саҳифасида Санчонинг сурати билан пост жойлаштирди ва унда у шундай деб ёзди: “Aжойиб”. Бундан ташқари, норвегиялик юраклар билан эможи бириктирди. Санчо "Боруссия" сафида ўнинчи рақамли либосда майдонга тушади. Эдин Терзич шогирдлари навбатдаги ўйинни 13 январ куни “Дармштадт”га қарши ўтказади.
