Dortmundning «Borussiya» klubi sobiq hujumchisi, hozirda «Manchester Siti»da to‘p tepayotgan Erling Xoland Jeydon Sanchoning «Borussiya» lageriga o‘tishiga munosabat bildirdi.
Oldinroq nemis grandi 23 yoshli futbolchining safga qaytishini rasman e’lon qilgandi. Qayd etilishicha, Sancho mavsumning qolgan qismini ijara asosida “Borussiya”da o‘tkazadi.
Xoland ijtimoiy tarmoqdagi sahifasida Sanchoning surati bilan post joylashtirdi va unda u shunday deb yozdi: “Ajoyib”. Bundan tashqari, norvegiyalik yuraklar bilan emoji biriktirdi. Sancho "Borussiya" safida o‘ninchi raqamli libosda maydonga tushadi. Edin Terzich shogirdlari navbatdagi o‘yinni 13 yanvar kuni “Darmshtadt”ga qarshi o‘tkazadi.