Навоийнинг "Қизилқум" клуби ўз сафига Латвиялик дарвозабонни қўшиб олганини эълон қилди.
Роберт Озолс 1995 йилнинг 10 сентябрьь кунида Латвиянинг Кулдига шаҳрида туғилган. Фаолияти давомида Латвиянинг "Металлургс", "Спартак", "Даугава Рига", "Рига" ҳамда "Ауда" клубларида ўйнаган дарвозабон янги мавсумни навоийликлар сафида бошлайди.
Тажрибали дарвозабон сўнгги мавсумда "Ауда" таркибида 19 та учрашувда майдонга тушган. Қолаверса у Латвия терма жамоаси аъзоси ҳисобланади.
"Қизилқум" жамоасининг янги дарвозабонига бўлажак мавсумдаги фаолиятига омад ва муваффақият тилаб қоламиз!" - дейилади навоийликларнинг расмий баёнотида.
