Бир неча кун олдин «Тоттенхэм» ҳужумчи Тимо Вернерни ўз сафига қўшиб олганини эълон қилганди.
"Шпорлар" 27 ёшли форвардни сотиб олиш опцияси билан "РБ Лейпциг"дан ижарага олди. Жамоа бош мураббийи Aнже Постекоглу бу келишув ҳақида фикр билдирди.
“Бу биз учун яхши имконият. Соннинг Осиё Кубогига кетганини ҳисобга олсак, бизга олдинги чизиқ учун яна бир футболчи керак эди.
Ўйлайманки, Тимо бизга жуда мос келади. У ҳар учала ҳужум позициясида ҳам ишлашга қодир. У ғайратли ва унга "Тоттенхэм" берган имконият ёқади", деди Постекоглоу жума кунги матбуот анжуманида.
