“Ал-Ҳилол” “Марсель” ҳимоячиси Ренан Лодини сотиб олиш борасида музокаралар олиб бормоқда. Журналист Фабрицио Романонинг хабар беришича, томонлар 20 миллион еврога яқин трансферни муҳокама қилишмоқда.
25 ёшли бразилияликнинг амалдаги шартномаси 2028 йилгача мўлжалланган. У ўтган йилнинг июль ойида "Атлетико Мадрид"дан Францияга кўчиб ўтганди. Transfermarkt портали футболчининг нархини 20 миллион еврога баҳоламоқда.
Жорий мавсумда Лоди барча мусобақаларда 23 та ўйинда майдонга тушиб, 1 та голли узатмани амалга оширди.
