Тожикистонда ўқув-машғулот йиғинини ўтказаётган “Андижон” у ерда назорат учрашувларини ўтказиши ҳам режалаштирилган.

Шу мақсадда 15 январь санасига ўртоқлик ўйини белгиланган. Шу куни андижонликлар Тожикистон чемпионатининг етакчи клубларида бири “Хўжанд”га қарши майдонга тушади. Ушбу жамоа ўтган йили 22 очко жамғариб, чемпионатни 6-ўринда якунлади.

Ушбу жамоалар ўтган йилнинг 20 июль санасида Хўжандда ўртоқлик учрашувида майдонга тушишган ва 59-дақиқада Нозим Бобожоновнинг голи эвазига мезбонлар 1:0 ҳисобида ғалаба қозонишган.

Маълумот сифатида шуни таъкидламоқчимизки, яқинда “Хўжанд”га бош мураббий сифатида Рустам Хўжаев қайтарилди. Ундан аввал эса бош мураббийликка россиялик таниқли мутахассис Юрий Сёмин номзоди ҳам илгари сурилган. Бироқ мутахассис рад жавобини берган.

“Андижон”нинг “Хўжанд”га қарши учрашуви 15 январь куни соат 11:00 да бошланади.