Жейдон Санчо “Боруссия” сафидаги илк учрашувидаёқ голда иштирок этди.
"Манчестер Юнайтед"дан ижарага олинган вингер Бундеслиганинг 17-тури доирасида "Дармштадт"га қарши ўйиннинг 55-дақиқасида захирадан майдонга тушди. 77-дақиқада Марко Ройсга ассистентлик қилди – 2:0.
Санчо 26 августдан бери илк бор майдонга тушди - "Манчестер Юнайтед" бош мураббийи Эрик тен Хаг у билан можарога учраган эди.
Англиялик футболчи 2017 йилдан 2021 йилгача "Боруссия" сафида тўп тепган. Бундеслигадаги сўнгги мавсумида у 26 ўйинда 8 гол урди ва 11 голга ассистентлик қилганди.