Англиянинг "Манчестер Юнайтед" клуби "Реал" вингери Винисиус Жуниорга қизиқиш билдирмоқда.
Fichajes берган хабарга кўра, футболчига "Манчестер Сити" ва "ПСЖ" клублари ҳам даъвогарлик қилмоқда. Қайд этилишича, "Реал" ёзда Килиан Мбаппени сотиб олишга эътибор қаратгани учун бундай имконият мавжуд. Ла Лига гранди Винисиус ва Мбаппени бирга ўйнатишни режалаштирмаяпти, чунки улар майдонда бир хил позицияни эгаллашган.
Жорий мавсумда Винисиус Жуниор “Лос-Бланкос” таркибида 15 та ўйинда майдонга тушиб, 6 та гол урди ва 4 та голли узатмани амалга оширди.
