"Бавария" "Галатасарой"га ўнг қанот ҳимоячиси Саша Боэ борасида расмий таклифни юборди.
Томас Тухель жамоаси шартномага мавсум охирида футболчини тўлақонли сотиб олиш вариантини киритишни таклиф қилган.
Туркиялик журналист Невзат Диндарнинг ёзишича, “Галатасарой” “Бавария”нинг сотиб олиш опцияси билан ижарага бериш таклифини аллақачон рад этган. Агар "Бавария" 25 миллион евро тўласа, жамоа Боэ билан фақат доимий равишда хайрлашишга тайёр.
23 ёшли Боэ жорий мавсумда Туркия чемпионатида 17та ўйин ўтказиб, битта гол урган. Франциялик футболчи аввалроқ ўз ватанида “Дижон” ва “Ренн” жамоаларида ўйнаган.
