"Барселона" сардори Серхи Роберто Испания Суперкубоги финалида "Реал"дан учралган мағлубият (1:4) ҳақида гапирди.

"Бу абадий рақибга қарши финал эди, биз ғалаба қозонишни хоҳладик. 10 дақиқа ичида иккита гол бизга катта зарар етказди. 1:2 ҳисоби билан биз ўйинда қолдик, аммо иккинчи бўлимда пенальти ва голдан кейин имконият қолмади.

Умид қиламанки, бу бизга таъсир қилмайди. Биз ғазабдамиз, лекин пайшанба куни яна бир турнир бор. Биз хатоларимиздан ва бу мағлубиятлардан сабоқ олишимиз керак, аммо бошқа турнирлар қолди. Мен бу жамоага ишонаман ва биз давом этишимиз керак", - деди Роберто Movistar билан суҳбатда.

19 турдан кейин "Барселона" 41 очко билан Ла Лигада 3-ўринни эгаллаб турибди. Чемпионатда “Жирона” етакчилик қилмоқда (49 очко).

"Барселона"нинг навбатдаги ўйини "Бетис"га қарши бўлади. Учрашув 21 январь куни "Бенито Вильямарин" стадионида бўлиб ўтади.