Мадриднинг “Реал” клуби бош мураббийи Карло Анчелотти Испания Суперкубоги финал учрашувида ҳужумчи Винисиус Жуниор ва “Барселона” футболчилари ўртасидаги можаро ҳақида гапирди.
“Рақиблари билан нима бўлганини билмайман. Айтишим мумкинки, Жуниор бу ўйинда аъло даражада ҳаракат қилди. Яқинда жароҳатидан тузалиб кетгани учун муаммога дуч келмаслик учун уни алмаштирдим. Винисиус ўз ишига эътибор қаратиши ва "Реал Мадрид" мухлисларини хурсанд қилиши керак", - дея италиялик мураббийнинг сўзларини келтиради AS.
Финал 4:1 ҳисобида “Реал”нинг йирик ғалабаси билан якунланди. Винисиус учта гол урди.
