"Борнмут" ярим ҳимоячиси Ҳамед Траоре тез орада "Наполи"га ўтади.
Sky Italia нашри хабарига кўра, 23 ёшли ярим ҳимоячи "Наполи"га ўтиш бўйича келишувни якунлаш учун Неаполга етиб бориш арафасида.
Маълум қилинишича, эртага, 16 январь куни Траоре тиббий кўрикдан ўтади. Аввалроқ, "Наполи" ярим ҳимоячини "Борнмут"дан ижарага олаётгани маълум бўлганди.
Жорий мавсумда Траоре барча турнирларни ҳисобга олган ҳолда олтита учрашувда иштирок этди ва битта гол урди. Футболчининг "Борнмут" билан амалдаги шартномаси 2028 йилгача мўлжалланган.
Transfermarkt портали ярим ҳимоячининг нархини 18 миллион еврога баҳоламоқда.
