"Наполи"нинг грузиялик вингери Хвича Кварацхелия "Манчестер Сити"га ўтиши мумкин. Бу ҳақда Mail Sport нашри хабар бермоқда.

Манба берган хабарга кўра, "шаҳарликлар" қишки трансфер ойнасида вингернинг позициясини мустаҳкамлашни режалаштирмоқда. Клуб ҳозирда 3 нафар футболчини кўзламоқда. Гап Хвич Кварацхелия ("Наполи"), Педру Нету ("Вулверхэмптон") ва Савио ("Жирона") ҳақида кетмоқда.

Жорий мавсумда “Манчестер Сити” Англия Премьер-лигасида 20 та ўйин ўтказиб, 43 очко тўплашга муваффақ бўлди. Айни дамда Пеп Гвардиола жамоаси "Ливерпул"дан икки очко ортда қолган ҳолда турнир жадвалида иккинчи ўринда бормоқда.