"Брентфорд" ҳужумчиси Айван Тонига пул тикиш қоидаларини бузгани учун қўлланилган саккиз ойлик жазо тақиқи чоршанба куни тугайди. Миш-мишлар Тонини бир қанча нуфузли клублар билан боғлайди, бироқ “Брентфорд” устози Томас Франк 27 ёшли футболчини жамоада олиб қолишни исташини такрорлашдан чарчамайди.
"Ҳаммаси аниқ - мен уни қўйиб юборишни хоҳламайман. Мен уни иложи борича узоқроқ сақлашни хоҳлайман. Энди менинг вазифам уни “Ноттингем Форест”га қарши ўйинга тайёрлаш” - деди Френк журналистларга.
“Брентфорд” – “Ноттингем Форест” учрашуви келаси 20 январь куни бўлиб ўтади.
