Каталониялик "Барселона"нинг ўнг қанот ҳимоячиси Испания кубоги доирасида бўлиб ўтадиган "Унионистас"га қарши ўйинда жамоасига ёрдам бера олмаса керак.
Sport нашри хабарига кўра, португалиялик футболчи бугун Хави Эрнандес жамоаси билан машғулот ўтказмаган. Катта эҳтимол билан ҳимоячи 18 январь куни "Унионистас"га қарши ўйнамайди.
Эслатиб ўтамиз, Кансело Испания Суперкубоги финалида "Реал"га қарши кечган ўйинни жароҳат туфайли ўтказиб юборган эди.
Канселу "Барселона"да ижара асосида ўйнамоқда. Клуб келаси ёзда футболчини доимий равишда сотиб оладими ёки йўқми, ҳозирча бир қарорга келмаган.
