"Реал"нинг бразилиялик ҳужумчиси Винисиус Жуниор "Барселона"га қарши ўйинда хет-трик қайд этди.
Эслатиб ўтамиз, бир кун аввал Испания Суперкубогининг финал учрашуви бўлиб ўтди ва унда "Реал" "Барселона"ни мағлуб этди. Учрашув 4:1 ҳисобида якунланди ва ўйиннинг асосий қаҳрамони 23 ёшли Винисиус бўлди ва у учта гол урди.
Айтиш жоизки, бразилиялик футболчи барча голларни биринчи бўлимда киритган. ESPN нашри хабарига кўра, деярли 30 йил ичида биринчи марта "Эл-Класико"нинг биринчи бўлимда хет-трик қайд этилган.
Аввалги бундай ҳолат 1995 йилда содир бўлган эди, ўшанда "Реал"нинг собиқ ҳужумчиси Иван Саморано 39-дақиқада "Барселона" дарвозасига уч марта аниқ зарба берганди.
