Миланнинг “Интер” клуби “Наполи” ярим ҳимоячиси Пиотр Зелиньски билан шахсий шартнома борасида келишиб олди, деб хабар беради “Inter Xtra”.
Футболчи ёзда эркин агент сифатида "неррадззуррилар" лагерига кўчиб ўтади, ягона нарса – футболчининг имзоси, бу вақт масаласи.
Aввалроқ, Полша терма жамоаси футболчиси «Наполи»нинг шартномани узайтириш бўйича таклифини рад этганди.
Қайд этилишича, неаполликлар Зелиньскига 5 миллион евро маош таклиф қилишган («Интер» ўз навбатида ярим ҳимоячига мавсум учун атиги 4,5 миллион евро тўлашга тайёр).
Бироқ поляк ўз қарорини ўзгартирмади.
Зелиньски "Наполи"да 2016 йилдан бери тўп тепади. Жорий мавсумда ярим ҳимоячи барча турнирларда 23 та учрашувда майдонга тушиб, 3 та гол урди ва 3 та голли узатмага муаллифлик қилган.
Футболчининг неаполликлар билан амалдаги шартномаси 2024 йилнинг июнь ойи охиригача амал қилади. Трансфермаркт интернет порталига кўра футболчининг тахминий нархи 30 миллион еврони ташкил қилади.
