Milanning “Inter” klubi “Napoli” yarim himoyachisi Piotr Zelinski bilan shaxsiy shartnoma borasida kelishib oldi, deb xabar beradi “Inter Xtra”.

Futbolchi yozda erkin agent sifatida "nerradzzurrilar" lageriga ko‘chib o‘tadi, yagona narsa – futbolchining imzosi, bu vaqt masalasi.

Avvalroq, Polsha terma jamoasi futbolchisi «Napoli»ning shartnomani uzaytirish bo‘yicha taklifini rad etgandi.

Qayd etilishicha, neapolliklar Zelinskiga 5 million yevro maosh taklif qilishgan («Inter» o‘z navbatida yarim himoyachiga mavsum uchun atigi 4,5 million yevro to‘lashga tayyor).

Biroq polyak o‘z qarorini o‘zgartirmadi.

Zelinski "Napoli"da 2016 yildan beri to‘p tepadi. Joriy mavsumda yarim himoyachi barcha turnirlarda 23 ta uchrashuvda maydonga tushib, 3 ta gol urdi va 3 ta golli uzatmaga mualliflik qilgan.

Futbolchining neapolliklar bilan amaldagi shartnomasi 2024 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 30 million yevroni tashkil qiladi.