Мюнхеннинг “Бавария” клуби ҳужумчиси Томас Мюллер ўз фаолиятини Аргентина терма жамоаси ҳужумчиси Лионель Месси ва Франция терма жамоасининг собиқ футболчиси Зинедин Зиданнинг ўйинлари билан солиштирди.
“Албатта, голлар ва қўлга киритилган унвонлар каби статистика муҳим омиллардир, аммо охир-оқибат, футбол бундан ҳам кўпроқ нарсани англатади. Сеҳр ўйиннинг нафислиги ва эстетикасида ётади. Бир пайтлар мен Зидандан кўра кўпроқ гол урган деб ўқигандим. Лекин мен ўзимни алдамайман: сеҳр ва эстетика нуқтаи назаридан Месси ва Зидан каби сеҳргарлар бутунлай бошқа тоифага киради", - дея Мюллер сўзларини келтиради Sport Bild.
34 ёшли Мюллер "Бавария" тарбияланувчиси ҳисобланади. У 2009 йилнинг июлидан бери асосий жамоада ўйнамоқда.