"ПСЖ" ва Франция терма жамоаси ҳужумчиси Килиан Мбаппе замонавий футболда сардорларнинг ўрни ҳақида гапирди.
“Капитан гуруҳнинг кафолатчиси ва етакчиси ва бугун мен ҳар бир ўйинчи билан боғланиб, барчанинг энг яхши шароитда эканлигига ишонч ҳосил қилишим керак. Аввалгидан катта фарқ шундаки, аввал менинг эътиборим ҳақиқатан ҳам ўзимга ва ўзим нима қила олишимга қаратилган эди. Аммо сардор бўлиш учун футболга янгича баҳо бериш керак", - дея Мбаппенинг сўзларини келтиради GQ France.
Жорий мавсумда 25 ёшли Килиан Мбаппе "ПСЖ" сафида барча турнирларда 25 та ўйин ўтказиб, 26 та гол ва 3 та голли узатмани амалга оширди.
