"Челси" ҳужумчи Армандо Броянинг товон пулини 50 миллион фунтдан 60 миллионгача деб баҳоламоқда.
Клуб Расмус Хойлунднинг "Манчестер Юнайтед"га қанчага трансфер қилингани (72 миллион – тахминан) ва “Брайтон” Эван Фергюсонни (100 миллион) қанчага баҳолаганини ҳисобга олди.
Илгари "Челси" янги ҳужумчини қўлга киритса, қишда Брояни қўйиб юборади, деб айтилганди, аммо агар клуб лондонликлар талабига яқин сумма таклиф қилмаса, бундай бўлмаслиги мумкин.
Футболчига "Вулверхэмптон", "Фулхэм" ва "Вест Хэм" қизиқиш билдирмоқда, аммо бу клублардан биронтаси юқорида тилга олинган 50-60 миллионга яқинлаша оладими ёки йўқми, ҳозирча аниқ эмас.
