"Тоттенхэм" вингери Брайан Хиль жорий қишки трансфер ойнасида Лондон клубини тарк этиши мумкин. Бу ҳақда Estadio Deportivo нашри хабар берди.

Манба берган хабарга кўра, 22 ёшли ҳужумкор футболчининг хизматларига "Севилья" ва "Реал Сосьедад" клублари қизиқиш билдирмоқда. "Тоттенхэм" испаниялик футболчини сотишдан камида 10 миллион евро ишлаб олмоқчи.

Хиль 2021 йилдан бери "Тоттенхэм"да ўйнамоқда. Жорий мавсумда вингер “шпорлар” сафида барча турнирларда 10 та ўйинда майдонга тушди ва бу ўйинларда самарасиз бўлди. Футболчининг Лондон клуби билан шартномаси 2026 йилнинг июнь ойи охиригача амал қилади.

Transfermarkt интернет порталига кўра футболчининг тахминий нархи 16 миллион еврони ташкил қилади.

Олдинроқ "Тоттенхэм" ҳимоячиси Серхио Регилоннинг "Брентфорд"га ўтиши маълум бўлганди.