"Tottenxem" vingeri Brayan Xil joriy qishki transfer oynasida London klubini tark etishi mumkin. Bu haqda Estadio Deportivo nashri xabar berdi.

Manba bergan xabarga ko‘ra, 22 yoshli hujumkor futbolchining xizmatlariga "Sevilya" va "Real Sosyedad" klublari qiziqish bildirmoqda. "Tottenxem" ispaniyalik futbolchini sotishdan kamida 10 million yevro ishlab olmoqchi.

Xil 2021 yildan beri "Tottenxem"da o‘ynamoqda. Joriy mavsumda vinger “shporlar” safida barcha turnirlarda 10 ta o‘yinda maydonga tushdi va bu o‘yinlarda samarasiz bo‘ldi. Futbolchining London klubi bilan shartnomasi 2026 yilning iyun oyi oxirigacha amal qiladi.

Transfermarkt internet portaliga ko‘ra futbolchining taxminiy narxi 16 million yevroni tashkil qiladi.

Oldinroq "Tottenxem" himoyachisi Serxio Regilonning "Brentford"ga o‘tishi ma’lum bo‘lgandi.