"Интер" бош мураббийи Симоне Индзаги "Рома" ҳужумчиси Ромелу Лукакуни йилнинг энг кучли уч мураббийи қаторига киритмаслик ҳақидаги қарорига муносабат билдирди.
Эслатиб ўтамиз, бельгиялик футболчининг рўйхатидан Хосеп Гвардиола, Хави Эрнандес ва Лучано Спалеттилар жой олган эди. Лукаку ўтган мавсумда Индзаги қўл остида "Интер"да ўйнаган. Ҳужумчи жамоа билан Чемпионлар лигаси финалига чиқди ва Италия кубогини қўлга киритди.
"Лукаку мени йилнинг энг яхши 3 нафар мураббийи қаторига киритмадими? У учта буюк мураббийга овоз берди, шунинг учун шикоят қилиш нотўғри. Мукофотга кўрсатилганидан жуда хурсанд бўлдим. Бу Лондонда ажойиб воқеа бўлди", — деди Индзаги матбуот анжуманида.
Эслатиб ўтамиз, ФИФА талқини бўйича йилнинг энг яхши мураббийи совринини Пеп Гвардиола олганди.
