Туриннинг "Ювентус" клуби "Юргорден"нинг 17 ёшли ярим ҳимоячиси Лукас Бергвалл учун навбатдаги даъвогарга айланди.
Mundo Deportivo нашри хабарига кўра, "кекса синьора" иқтидорли ярим ҳимоячи учун "Барселона" билан рақобатлашишга тайёр. "Юргорден" Бергвалл учун 10 миллион евро товон пули талаб қилмоқда.
Швеция клубининг талабларига энг яқини Франкфуртнинг "Айнтрахт" клуби бўлиб, у 8,5 миллион таклиф қилган, бироқ рад жавобини олган. Лукаснинг ўзи ҳам "Барселона"да ўйнашни хоҳлайди, аммо молиявий инқироз шароитида Каталония клуби швед учун пул ажратадими ёки йўқми ҳали номаълум.
2023 йилда Бергвалл Швеция чемпионатида 25 та ўйин ўтказиб, иккита гол ва бир голли узатмани амалга оширди.
