Бундеслиганинг энг яхши тўпурарларидан бири Серу Гирасси келажаги ҳақида бир қарорга келди. Sky Germany хабарига кўра, 27 ёшли гвинеялик футболчи ушбу мавсум охиригача "Штутгарт"да қолиши кутилмоқда.
Ҳозирча қизиқувчи клубларнинг ҳеч бири Гирассининг трансфери бўйича аниқ ҳаракатларни амалга оширмаган. Аввалроқ ҳужумчига "Манчестер Юнайтед", "Ньюкасл" ва Италиянинг "Милан" клублари қизиқиш билдираётган эди.
Гирассининг шартномасида товон пули 20 миллион еврога тенг, аммо ҳозирча ҳеч бир клуб бу суммани тўлаш ниятида эканлигини билдирмаган. Бундеслиганинг ушбу мавсумида ҳужумчи 14 учрашувда 17 та гол урди.