Италия суперкубоги ҳам худди Испания суперкубоги ҳам янга форматда ўтказилмоқда ва мусобақага Саудия Арабистони мезбонлик қилмоқда.

Ярим финалнинг дастлабки ўйини «Наполи» ва «Фиорентина» клублари ўзаро тўқнаш келишди.

Учрашувда неаполликлар 3:0 ҳисобида ғалаба қозонишди. Баҳснинг 22-дақиқасида Симеоне ҳисобни очган бўлса, ўйин сўнгида Дзербин иккита гол уриб, ўйин тақдирини ҳал қилди.

Бугун «Интер» ва «Лацио» ўртасида иккинчи ярим финал баҳси бўлиб ўтади. Финал 22 январь санасига белгиланган.

Италия суперкубоги, 1/2 финал
Наполи – Фиорентина 3:0 (1:0, 2:0)
Голлар: 1:0 – 22 Симеоне, 2:0 – 84 Дзербин, 3:0 – 86 Дзербин.
Наполи – Голлини, Маццокки (Дзербин, 81), Жезус, Ди Лоренцо, Ррахмани, Мариу Руй (Эстигор, 72), Лоботка, Каюсте (Гаэтано, 77), Политано (Линдстрем, 72), Кварацхелия (Зелиньски, 72), Симеоне.
Фиорентина – Терраччано, Кайоде, Мартинес Куарта (Барак, 88), Миленкович, Бираги (Паризи, 68), Бонавентура (Фараони, 88), Данкан, Брекало (Соттиль, 57), Иконе (Нзола, 57), Артур, Бельтран.
Огоҳлантириш: Бираги (51).