"Тоттенхэм"нинг ўнг қанот ҳимоячиси Педро Порро "Манчестер Сити"га қайтиши мумкин.
24 ёшли испаниялик бу мавсумда Анге Постекоглу жамоасининг асосий ўйинчиларидан бирига айланди. Футболчининг муваффақиятлари эътибордан четда қолмади: Football Insider маълумотларига кўра, Порро фаолиятини бошидаёқ "Манчестер Сити" қизиқиш доирасига тушиб қолган. Миш-мишларга ишонадиган бўлсак, "шаҳарликлар" бош мураббийи Пеп Гвардиола ўз ҳамюртини Кайл Уокернинг узоқ муддатли ўринбосари сифатида кўрмоқда.
Педро Порро 2019 йилдан 2022 йилгача "Манчестер Сити"га тегишли бўлган, кейин эса асосий жамоада дебют қилмасдан, Лиссабоннинг "Спортинг"ига сотилган. Transfermarkt маълумотларига кўра, "шпорлар" етакчисининг ҳозирги нархи 45 миллион еврони ташкил қилади.