Мадриднинг “Реал” клуби бош мураббийи Карло Анчелотти “Альмерия”га қарши бўлиб ўтадиган Испания чемпионати ўйини ҳақида гапирди.
"Биз тўлиқ эътиборимизни эртанги жадвалда бор-йўғи 6 очкоси бор жамоага қарши ўйинга қаратганмиз. Аммо улар "Жирона" ва "Атлетико Мадрид"га қарши ўйинларда ғалаба қозонишга ҳақли эдилар ва "Барселона"га қарши ўйин дуранг билан якунланиши мумкин эди. Бу жамоа ҳали ҳам тирик ва биз эртага курашишимиз керак. Биз бунга тайёр бўлишимиз керак", - деди Анчелотти ўйинолди матбуот анжуманида.
21 январь, якшанба куни Ла Лиганинг 21-туридан ўрин олган “Реал” ва “Альмерия” учрашуви бўлиб ўтади.