“Aн-Наср” ва Сенегал терма жамоаси ҳужумчиси Садио Мане Саудия Aрабистони чемпионати савияси ҳақида гапирди.

Яқинда маҳаллий лига савияси Криштиану Роналду томонидан мақталган эди, 31 ёшли сенегаллик жамоадошининг фикрига қўшилди.

"Сизнингча, агар футболчи Европада ўйнамаса, у худди шундай эътиборга лойиқ эмас деган қараш хато ва бу ачинарли.

Европадан ташқарида ҳам футбол бор. Саудия Aрабистони чемпионати жуда кучли ва уни бутун дунё кузатиб боради.

Мен бу ерда ҳар бир дақиқадан завқ оламан, мақсадларимга эришиш учун бор кучимни сарфлайман. Сизнингча, мен Европада ўйнамаганим учун бахтсизманми, бу тўғри эмас”, - деди Мане Sky Sport нашрига берган интервьюсида.