"Милан" дарвозабони Мик Меньян "Удинезе"ни 3:2 ҳисобида мағлуб этган А Сериянинг 21-туридан ўрин олган ўйинни ҳакам тўхтатиб қўйишига тўғри келган воқеа тафсилотларини айтиб берди.

"Биринчи бўлимда тўпни дарвозадан чиқариб юбормоқчи бўлганимда, менга қарата "маймун" деган қичқириқларни эшитдим, лекин умуман муносабат билдирмадим. Кейин улар яна шундай қилишди. Мен тўртинчи ҳакамга мурожаат қилдим ва нима бўлганини тушунтирдим. Бу биринчи марта содир бўлаётгани йўқ, биз муҳим хабар, сигнал юборишимиз керак.

Айни дамда бу ишни қилганлар билан гаплашишни истамайман, фойдаси йўқ. Мен каби азоб чеккан барча футболчиларга ёрдам бериш учун айбдорлар жазоланиши керак. Улар жоҳил, уйда қолишлари керак. Ҳақиқий мухлислари стадионга кўнгил қўйиш учун келишади. Футболда бундай бўлмаслиги керак.

Дастлаб майдонга қайтишни истамагандим, аммо клубимиз ажойиб, бизда ажойиб жамоа бор. Ҳамма менга эргашди, кейин биз ғалаба қозониш учун майдонга тушдик. Уч очко тўплаш - бу вазиятга тўғри жавоб.

Прокуратура бу муаммони ҳал қилишда жиддий ёндашиши керак, чунки баъзида у ҳаракат қилмайди. Бироқ, биз, футболчилар, бу ҳақда жим турмаслигимиз керак", - деди Меньян Relevo билан суҳбатда.

Эслатиб ўтамиз, франциялик футболчи “Удинезе” мухлислари томонидан ўзига нисбатан қилинган ирқчи ҳақоратлар юзасидан ҳакамга шикоят қилган эди. Футболчи ўйинни давом эттиришни истамай, трибуна хонасига ёъл олди, бироқ жамоадошлари уни қайтишга кўндиришди. Учрашув беш дақиқага тўхтатилди ва кейин давом этди.