"Барселона" ҳужумчиси Жоау Феликс "Бетис"га қарши Испания Примерасининг 21-тур учрашувидаги (4:2) ўйини ҳақида гапирди. Португалиялик ўйиннинг 90-дақиқасида гол киритди.
“Мен яхши ёки ёмон ўйнашимдан қатъи назар, одамларнинг мен ҳақимда гапиришларини кўришга одатланганман. Баъзилар мен ҳақимда ҳар куни гапиришади, лекин мен бунга аҳамият бермайман. Мен ўзимга тўлиқ ишонаман. Майдонга чиқсам, ўзимни энг яхши жиҳатларимни кўрсатишга ҳаракат қиламан.
Мен ҳар доим ўзимга ОАВни ўқима, ҳеч қачон ҳеч кимни тинглама, фақат шу руҳда ишлашда давом эт, деб маслаҳат бераман”, — дея Феликс сўзларини келтиради Movistar.