"Barselona" hujumchisi Joau Feliks "Betis"ga qarshi Ispaniya Primerasining 21-tur uchrashuvidagi (4:2) o‘yini haqida gapirdi. Portugaliyalik o‘yinning 90-daqiqasida gol kiritdi.

“Men yaxshi yoki yomon o‘ynashimdan qat’i nazar, odamlarning men haqimda gapirishlarini ko‘rishga odatlanganman. Ba’zilar men haqimda har kuni gapirishadi, lekin men bunga ahamiyat bermayman. Men o‘zimga to‘liq ishonaman. Maydonga chiqsam, o‘zimni eng yaxshi jihatlarimni ko‘rsatishga harakat qilaman.

Men har doim o‘zimga OAVni o‘qima, hech qachon hech kimni tinglama, faqat shu ruhda ishlashda davom et, deb maslahat beraman”, — deya Feliks so‘zlarini keltiradi Movistar.